– بضيق :- لا ما هو بصراحه مش هينفع انزله و محمد هنا
– ليه يعنى هو مش زى اخوكى
– اخويا و فوق راسى بس الدين مفيهوش تسيب
– مالك يا نانو .. من ساعة ما جيتى وانتى قاعده فى مسجد الكليه و مخرجتيش
– بحزن :- محمد ابن عمى
– ماله ؟!
– متقدملى و بابا و ماما موافقين
– طب فين المشكله بقا ؟!
– انتى بتهزرى يا دينا !! ده محمد .. محمد اللى مقضيها شرب و سهر و بنات .. بقا انا آخد واحد زى ده
– استهدى بالله كده و بطلى عياط .. طالما انتى مش عايزاه ارفضيه
– ما هو المصيبه ان بابا موافق اووى
– مش يمكن يا نانسى ربنا مقدرلك تتجوزيه علشان تغيريه و تتوبيه عن اللى هو فيه ده ؟!
– ازاى و هو اصلا مش موافق على مبدأ النقاب يا دينا .. انا عمرى ما شوفته صلى اصلا
– طب حاولى تانى ترفضيه كده و ربنا يسهل
********
– السلام عليكم
– وعليكم السلام .. استنى يا نانسى
– خير يا ماما !
– مقولتليش رايك فى موضوع امبارح
– لا انا قلت بس شكلك مسمعتينيش .. انا عمرى ما هتجوز محمد يا ماما .. طريقه غير طريقى ، وانا بصراحة مش شايفاه شخص مناسب ليا
– يعنى ايه مش مناسب .. ما هو شاب و طول بعرض و حليوه و مهندس قد الدنيا .. دى كفايه شياكته و الفلوس اللى معاه
– ايوه فين بقا التدين و الأخلاقيات !
– بقولك ايه .. مش علشان انتى معقده يبقى الكل شكلك .. انا مش عارفة انتى طالعه خام و بكمه كده لمين ، مش مدردحه زى البنات
– آه صح .. ما هو الواحده فى نظرك لازم تبقى قليلة الأدب علشان تبقى مدردحه .. الملام خلص ،انا داخله اوضتى و موضوع محمد ده اقفليه يا ماما لإنى عمرى ما هتجوزه ولا حتى فى الأحلام .. انسى ان جوزى يبقى واحد زى ده
– ماااشى يا بنت عادل .. ما هى ده آخرتها ، آخرة التعقيد و القوقعه اللى انتى حابسه نفسك فيها
دخلت استغفرت ربنا و صليت و دعيت كتير و انا بعيط … انا مش معقده زى ما هما فاكرين .. هما ليه شايفينى كده ! يمكن علشان متمسكه بدينى ..
عدت ايام و شهور .. عمى قاطعنا علشان رفضت اتجوز ابنه و حصلت مشكله كبيره انتهت بأن بابا جاله جالطه و توفى من شهرين و اضطرينا انا و ماما اننا نسافر اسكندريه ..
سافرنا و اتخرجت و بقيت دكتوره قد الدنيا بس للأسف فرحتى مكملتش لما والدتى اتوفت.. كنت نزلت اجيب طلبات من السوبر ماركت و رجعت لقيتها واقعه على الأرض فى الصاله .. جيبت دكتوره جارتنا و قالت انها اتوفت .. كنت منهاره وقتها ، محدش وقتها وقف جنبى غير دينا زميلتى .. بعدها دينا اتخطبت .. كنا بنشتغل سوا ، منه اشغل وقتى و منه انسى اللى انا فيه شويه ..
عدى شهرين و دينا اتجوزت ، بعدها بفتره وقفت الشغل علشان حملها .. جوزها كان دكتور معانا فى المستشفى بس هو كان قسم جراحه و انا قسم اطفال .. بس كان بيعتبرنى دايماً اخت ليه .. فى يوم لقيته جاى عندى المكتب هو و دينا .. سلمت على دينا و قعدنا …
– احم .. نانسى
– اممم
– آدم عاوز يقولك حاجه
– خير يا دكتور ؟!
– لا بلاش دكتور دى .. انتى عارفه انى دايماً بعتبرك اخت ليا و ربنا يعلم انى عمرى ما بصيتلك على انك غير كده .. بصى يا نانسى هو كل الحكايه ان دكتور خالد مدير المستشفى .. معجب بيكى و طالب ايدك و كلمنى فى الموضوع ده من فتره بس انا استنيت لما دينا تكون موجودة لإنى عارف انى مينفعش اكلمك فى حاجه زى دى .. انتى ايه رأيك ؟! موافقه تتجوزيه ؟! هو صاحب عمرى و انسان خلوق جداً و متدين كمان و انتى زى ما قولتلك قبل كده ، اخت ليا و انا لو شايفه مش مناسب ليكى عمرى ما هوافق
– هاا قولتى ايه يا نانسى ؟!
– هو .. بصراحه يا آدم انت فاجأتنى .. انا عمرى ما فكرت ارتبط دلوقتي
– ليه يا نانسى .. مستنيه ايه تانى !! خلصتى تعليمك و اتخرجتى و اشتغلتى كمان .. ايه بقااا ، مش عاوزه تفرحينى و تفرحى نفسك ؟!!
– براحه يا دينا مش كده
– لا يا آدم .. كفايه حزن بقا .. بقالك سنتين عايشه فى حزن و دموع .. الفات عمره ما هيرجع تانى يا نانسى و انتى مؤمنه و عارفه انهم دلوقتي فى مكان احسن .. مش عاوزه تريحيهم و تفرحيهم !!
– طب بصى يا نانسى .. انتى معاكى تلات ايام تفكرى فيهم و تصلى استخاره و لو ارتحتى يبقى خير و بركه .. ولو مرتاحتيش يبقى ربنا يعوضك بالأحسن و فى الاول و الآخر القرار يرجعلك انتى
– اوك .. هصلى استخاره الأول
و بالفعل .. قام آدم كمل شغله و دينا فضلت معايا تقنعنى اوافق .. خلصنا شغل و آدم وصلنى و مشى هو و دينا و بعد تلات ايام ….
– لولولولولولولولولوى .. الف الف مبروك يا حبيبتي
– الله يبارك فيكى يا دينا
– بإبتسامه :- الف مبروك يا نانسى
– الله يبارك فيك يا آدم
– انت كده تقول لخالد ييجى بكره هنا و تشوفيه و تقعدوا مع بعض .. تمام !
– ماشى
*********
– ازيك يا دكتور
-الحمد لله .. ازى حضرتك !
– حضرتى بخير الحمد لله ، عندك اى اسأله يا نانسى ؟!
– ايوه
– اتفضلى انا سامعك
– لو حصل نصيب ان شاء الله و اتجوزنا .. عمرك هتشوف ان تدينى ده تعقيد و انى معقده ؟!
– انا عمرى ما شوفتك معقده ولا عمرى شوفت التدين و الإحترام ده تعقيد .. بالعكس انا ربنا بيحبنى علشان بعتلى زوجه صالحه .. انا اللى عاوز اسألك
– اتفضل
– لو حصل نصيب و اتجوزنا ، هتساعدى زوجك انه يثبت على دينه و توصلوا للجنه سوا ؟!
– بإبتسامه :- اكيد .. دى امنيتى
ابتسم بخفه و أومأ بتفهم .. فى اللحظه دى رفعت النقاب و انا مكسوفه و ايدى بترتعش ..
لحظات و نزلت النقاب تانى .. و بعدها آدم و دينا دخلوا و قعدنا شويه و بعدها خالد مشى ..
عدى يومين بلغتهم الموافقه و بعدها بأسبوع كتبنا الكتاب ..
طبعاً انا رفضت اعمل فرح علشان ماما و بابا الله يرحمهم ..
اتجوزنا و خلفنا و خالد كان نعم الزوج .. حسيت ان دى هدية ربنا بعتهالى بعد عذاب ..
اترحمت على ماما و قولت فى نفسى …
– ياريتك كنتى موجودة معانا يا ماما .. كنتى شوفتى جوز بنتك .. كنتى عرفتى ان الجواز مش كل حاجه .. فى حاجات تانيه اهم .. التدين اللى الكل شايفه تعقيد
– يا ناااانوو
– ايوه يا حبيبي
– تعالى يلا آدم و دينا وصلوا
– ماشى يا قلبى … ثوانى بس هلبس و آجى
* سألونى :-
كيفما هذا الثبات و حولنا فتن تهز الراسيات ؟!
أليس يغريكى زمان الشهوات !!
أليس تشتهى نفسك هذه الحياة !!
فأجبتهم و القلب يملؤه اعتذار ..
لا تشتهى نفسى لذائذ ناقصات ..
لما اشتهيتهم اشتهيت مثلكم ..
لكن اهدافى ستبقى خالدات ..
* قال لها الشيطان ..
من سيأتى يطلب يدك و انتى ترتدين الجلباب !
كيف سيأتى وانتى متخفيه فى الحجاب و النقاب !
سينطفئ جمالك و تذهب زهرة شبابك
فإبتسمت وقالت :-
هدفى رضا ربى و إليه المتاب ..
لست ارضى بحلوى وقف عليها الزباب ..
او بقطعة لحم نهشتها عيون الذئاب …
ف فى نقابى اشعر بأنى عاليه مثل السحاب ..
