هبه
خلاص يا اسامة بس تنجز عشان نلحق ميعاد الفرح ودخلت عليهم مروة بالعصير لأسامة
حطي عندك هنا واخرجي بره يلا
مروة
حاضر ياهبه
أسامة
تسلم ايدك يامروة متشكر على العصير
بصتله مروة وهزت راسها بحسرة وخرجت
هبه
هي مين ياخويا اللي تسلم ايديها على فكرة العصير ده انا اللي مجهزاه قبل ما انت تيجي يعنى الهانم معملتش حاجة دي جابته بس
أسامة
وفيها ايه ياهبه لما اشكرها وبعدين كتر خيرها انها جبته لحد هنا
وقعدوا شويه مع بعض ومشي أسامة ولقيت هبه جايه تقولي
جرا ايه ياست هانم انتي عايزة تعرفي خطيبي اني مش بعمل حاجة في البيت انتي قصدك تخربي عليا صح
مروة
والله ابدا ياهبه دي عمتي اللي قالتلي اعمل عصير لخطيبك
هبه
تعملي العصير لخطيبي مش تجبيه لحد عنده وداخله تتسهوكي عليه
العمه
ينهارك اسود بقا داخله تتسهوكي على الواد فاكرة انه هيبصلك يابت
مروة
والله ماحصل الكلام ده ياعمتي انا دخلت حطيت العصير وخرجت متكلمتش ولا كلمة
هبه
انتي بتكدبيني ده انتي داخلي ولا كانك
العمه
بقولك ايه يا مروة انتي تروحي تشوفيلك اي مكان تتلقـ..ــحي فيه ومتجيش هنا ابدا انتي سامعه ولا لا
مروة
وانا هاروح فين ياعمتي انا مليش حد غيركم والنبي ياعمتي سبيني قاعدة معاكي والله لو جه تاني مش هطلع من الاوضة خالص
هبه
انتي هنا خدامة وبس انتي سامعة يعنى تقعدي زي الجزمة
مروة بټعيط
حاضر حاضر
وبعد كام يوم عند إيناس بتكلم وائل في التليفون وهو في الشغل
وائل
ايوه يا إيناس عماله ترني انا مشغول
إيناس
اصلي بقالي كام مش شوفتك ياوائل قولت ارن عليك أشوفك فين ومبتجيش ليه
وائل
ليه وحشتك يا قمر
إيناس
طبعا وبعدين كمان النهارده اخر يوم في العده بتاعتي واتفقنا انك هتكتب عليا
وائل
انا فاكر طبعا بصي بكره هجيب الورقتين واحجز اوضة في فندق ونمضي على الورقتين ونقضي اليوم مع بعض ماشي
إيناس
طيب وماتجيش عندي في شقتي ليه
وائل
عشان محدش ياخد باله يا إيناس قولتلك انا مش عايز مشـ..ــاكل
إيناس
طيب يا وائل اللي تشوفة
وتاني يوم حجز وائل في فندق واتصل بيها وراحتله واتجوزها عرفي وقضو اليوم مع بعض واخر النهار كل واحد فيهم رجع بيته
هبه
ياماما أسامة جاي كمان شويه والزفتة بنت اخوكي دي هنا وانا بصراحة قلقانة منها
العمه
ليه ياهبه ماحنا متفقين معاها هتدخل الاوـ..ــضه مش هتخرج منها
هبه
دي لو خرجت بس وهو شافها والله هرميها في الشارع وبعدين انتي لازم تتصرفي البت احلى مني بكتير واسامة كان بيسالها عليها المرة اللي فاتت
العمه
ماهي لازقه فينا بصي انا عندي فكره احنا نلبسها مصـ..ــېبه وقدام أسامة عشان يعرف انها مش كويسه وساعتها نغورها من هنا خالص هاتي ودنك لما اقولك هنعمل ايه
عند شيماء مرات وائل
شيماء
انا مش عارفه انت بقيت تتأخر في الشغل ليه كده انت كنت بتيجي بدري دايما ايه اللي حصل
وائل
جرا ايه يا شيماء هو انتي بتعدي عليا الوقت ولا ايه
انا عندي شغل كتير الفترة دي وتأخير
شيماء
خلاص تأخير يبقا فيها زيادة مرتب يبقا تزودلي مصروف البيت
وائل
نعم انا بديكي مصروف محدش بياخده ياشوشو عايزة ايه تاني
شيماء
مليش دعوه ياوائل انا عايزة مصروف زيادة وبعدين ابنك الصغير ده محتاج مصاريف
وائل
طيب حاضر هزودلك
وكانت إيناس قاعدة مع حماتها وقالتلها
انتي بقيتي بتخرجي كتير اليومين دول بتروحي فين يا إيناس وانت اصلا ملكيش اهل
إيناس
انتي بتعايريني ياحماتي عشان يتيـ..ــمة الله يسمحك وعملت نفسها بټعيط
الام
انا مقصدش اعايرك انا بس ملاحظة خروجك الكتير فقولت اسالك
إيناس
ااه منا بروح لعمتي ازورها واشوف اختي مروة مانتي عارفه انها قاعدة عندها وفجأة حست بدوخة وجريت على الحمام ترجع
الام
مالك يا إيناس
إيناس
مش عارفه ياحماتي حاسه بدوخة وترجيع انا هطلع شقتي عن اذنك
وسابت حماتها وطلعت شقتها وبتقول لنفسها يلهوي ده اكيد حمل وفرحت وقالت ايه ده معقوله اكون حامل وهبقا ام ومن وائل حبيبي انا هجيب اختبار واعمله واشوف
وعند عمتي كان اسامه خطيب بنتها بيتغدي عندهم وعمتي ندهت عليا عشان ادخل المطبخ أعملهم الشاي وعمتي دخلت اوضتي بعد ما انا خرجت واسامه كان بيغسل ايده وهو راجع على الصالة شاف عمتي في الاوضة عندي وهي بتحطلي حاجة في الدولاب وخرجت هو شافها ومتكلمش
مروة
اتفضلوا الشاي
أسامة
متشكر يامروة تعبينك معانا تسلم ايدك والله
وفجأه هبه بصتلي بغل وقالت ايه هي الاسورة بتاعت شبكتي فين كانت في أيدي اكيد انتي سرقتيها ياحرامية
أسامة
شوفيها في اوضتك ياهبه ميصحش كده
هبه
اسكت انت يا اسامة مروة اصلا معروفه انها حرامية واختها كمان مش بتحب تقعدها عندها عشان كده
مروة بټعيط
والله ماشوفتها ياهبه
العمه
اخرسي يا حراميه تعالو كلنا ندخل اوـ..ــضتها نشوفها وفعلا دخلو ومعاهم أسامة وطلعو الاسورة من دولابي واسامه بص بخبث وسكت
هبه
شوفتي اهيه عندك في دولابك اهيه يلا امشي اطلعي برة يلا ياحرامية
مروة
والله ماعرف ايه اللي جابها هنا
العمه
ولا كلمة اطلعي برة بيتي ومترجعيش تاني
ومشيت من عندهم في الشارع مش عارفه اروح فين والآخر وصلت عند بيت اختي إيناس
واسامة قالهم والله انا مش عارف انتو ايه الشړ اللي جواكم من ناحية البنت المسكينة
هبه
نعم ياخويا وانت بتدافع عنها ليه بقا ان شاء الله
اسامه
بدافع عنها عشان هي مظلومة وانا شايف مامتك وهي خارجة من اوضتها بعد محطتلها الاسورة في دولابها انتو ايه شياطين اتفضلي ياهانم دبلتلك وانا ميشرفنيش ارتبط بواحدة زيك سلام
هبه فضلت تصوت وتلطـ..ــم وتقولها عجبك كده اهو سابني واڼهارت من العياط
إيناس
وانتي بقا كل ما عمتك تطرـ..ــدك من بيتها تيجيلي انا مش ناقصاكي
مروة
انا اختك اروح فين عمتا مش هخليكي تحسي بيا خالص ودخلت اوضتة الأطفال وقعدت اعيط على حظي وسمعت باب شقة إيناس بيتفتح وبيتقفل ببص براحة لقيت وائل اخو داخل معاها اوـ..ــضة النوم رحت براحة وسمعته بيقولها
وائل
ينهار اسود حامل ازاى اسمعي اللي في بطنك ده لازم ينزل وانا مش هكتب عليكي رسمي يا إيناس واقولك على حاجه الورقتين اهم وراح مطلع ورقتين ومقـ..ــطعهم
إيناس
انت بتقطع الورق والله ماهسيبك وفضلت تشد فيه وائل نزل فيها وطلع يجري من عندها وهو بيجري خبط فيا انا شوفت منظرها فضلت اصوت لحد شيماء وحماتها جم جري وطلبوا الإسعاف جات وخدتها وفي المستشفى عرفوا انها كانت حامل سقطت ولما فاقت وسالوها اعترفت على وائل
وحماتها سالتني
الام
ايه اللي حصل يامروة حكتيلها كل حاجة شوفتها وقالت كان قلبي حاسس والله اهي اخدت جزاءها ده ذنب احمد ابني الله يرحمة
وائل اتقبض وشيماء مراتة لما عرفت ان إيناس كانت حامل منه طلبت منه الطلاق ورجعت بيت أهلها
إيناس اختي بعد ماخرجت من
المستشفى باعت شقـ..ــتها لأنها كانت باسمها ومشيت ومحدش يعرف عنها حاجة وانا فضلت قاعدة مع حمات اختي لأنها ست طيبة وبتحبني
وفي يوم لقيت أسامة جاي عندنا وبيقولي
تقبلي تتجوزيني يامروة انا عارف ان عمتك وبنتها ظلموكي وانا ميشرفنيش ارتبط بيهم انا عايزك انتي بصراحة مشوفتش في أخلاقك
وفعلا كتب كتابي وعملي احلى فرح وعايشه معاه أجمل أيام حياتي
وبكده خلصت حكايتي
