وقبل ما نبدأ حكايتنا اعرفكم ببطلتنا واللي اسمها ملك عندها 18 سنه ابوها راح وعايشه مع امها وجدتها وفي يوم امها قالت لجدتها
الام
بقولك ايه يا حماتي انا خلاص هتجوز واروح أعيش مع جوزى في بيته
الجدة
يادي النيله ياختي هتتجوزي انتي بتقولي ايه تتجوزي ازاى وبنتك عروسه على وش جواز انتي مش مكسوفه من نفسك ياختي
حنان
وانا هتكسف من ايه ان شاء الله انا لسه صغيره وحلوه ولا عايزاني ادفن نفسي بالحياه بعد ابنك ماراح وكفايه زعلت عليه سنه بحالها اهي هقعد
اكتر من كده اي بقي
الجده
ومتدفنيش نفسك بالحياه ليه ياختي المرحوم يستاهل انك تفضلي من بعده عايشه كده من غير جواز ولا غيره
حنان
بقولك ايه انا هتجوز وخلاص انا كنت ممكن اروح اعملها من غير اقولك بس انا قولت اعرفك من باب العلم بالشئ فبطلي بقا كلامك ده اللي لا هيودي ولا هيجيب انا خلاص خد القرار
الجده
اما انتي طلعتي واحدة قليلة الأصل ومعندكيش ډم صحيح مش عارفه ابني الله يرحمة بصلك على ايه
حنان
الله يرحمة كان يدوب فيا دوب هيهي اسكتي انتي بس وخليكي في حالك وبقولك ايه انا هسيب البت ملك معاكي ماهو مش معقول اخدها معايا عند جوزي
الجده
عليه العوض ومنه العوض فيكي ياحنان يابنت بدرية
ودخلت ماما عندي الاوضه وقالت ليا
الام
كويس انك لسه صاحيه عايزه عايزه اتكلم معاكي في موضوع اكيد سمعتي كلامي مع ستك وانا لما هتجوز هسيبك هنا مع ستك
ملك
لا ياماما الله يخليكي خوديني معاكي انتي عارفة ستي عصـ..ــبية ازاى ومش بتسكت وهتفضل طول الوقت ټشتم فيا وتهزقني دي فيا كده وانت موجوده امال لما تمشي وتسبيني معاها هتعمل فيا ايه
حنان
اخدك معايا فين يابت هو انتي صغيرة عشان اخدك معايا ماتعقلي كده يابت انتي هتفضلي هنا مع ستك ومش عايزة كلمة زيادة وبعدها خرجت من الاوضه ودخلت اوضتها
واتصلت ماما بالعريس وقالتله
الام
ايوه يا حبيبي انا جاهزة وحضرت شنطتي انت هتعدي عليا امتى تاخدني
منير
نص ياقلبي واعدي عليكي اخدك ياحنون تعرفي انك وحشاني اوي
حنان
والله وانت كمان وحشتني اوي يامنير يلا متتاخرش عليا بصراحه انا مبقتش قادره اعيش هنا معاهم
وقفلت معاه وانا كنت عماله ټعيط ودخلت اوضتها
ملك
ارجوكي يا ماما ارجعي عن القرار ده
حنان
خلاص بقا ياملوكة هو انتي صغيرة عشان ټعيطي كده
ملك
انا مش متخيله انك هتسبيني وتمشي ياماما وانا مليش حد غيرك بعد بابا
حنان
خلاص بقا ياملك انتي كبيرة اعقلي بقا ياحبيبتي انا هبقا اكلمك كل يوم اطمن عليكي
خليكي بالك من نفسك ماشي
ومشيت حنان راحت بيت جوزها والصبح ملك كانت نايمة دخلت جدتها تصحيها وقالت
الجده
انتي يازفتة انتي قومي يابت قامت قيامتك قومي
كتر الاقرف انا مش عارفه أمك سابتك ليا اهبب بيكي اي وفي الوقت ده انا صحيت من النوم
وقولت
ملك
في ايه يا ستي بتصحيني ليه دلوقتي احنا لسه بدري اوي سبيني نايمة شوية
الجده
لسه بدري يلي تنشكي اصحى يابت ولا انتي واخده على النوم لبعد الضهر زي اللي خلفتك ماهي طول عمرها واخده على الدلع
ملك
ارجوكي ياستي متتكلميش عن امي بالشكل ده هي معملتش چريمة يعنى دي راحت اتجوزت عادي
الجده
انتي يابت هتعلميني اتكلم ازاى ومتكلمش ازاى طب والله لو ماقومتي لاكون مجرجراكي من شعرك
ملك
حاضر اديني قومت اهو عايزة ايه بقا
الجده
عايزاكي تقومي تنضفي البيت ده وتخليه بيبرق وزي الفل يلا بسرعة
ملك
حاضر هعملك اللي انتي عايزه وفضلت اشتغل في البيت طول النهار لحد المغرب واقعدت من التعب وخرجت جدتي وقالت
الجده
انتي اقعده ليه يابت
ملك
انا خلصت ياستي البيت كله انا هلكت والله حرام كده عايزة ارتاح شوية والنبي سبيني ارتاح
الجده
انا معنديش حاجة اسمها راحة ياروح امك الراحة دي في الآخرة ان شاء الله لما ربنا ياخدك انتي وامك وسبتها وخرجت
وعدت ايام وفضلت على الحال ده
لحد ما تعبت واتصلت ب ماما وقولت ليها
ملك
يا ماما ارجوكي تعالي خوديني انا مش عايزة أعيش مع الست دي دي بتعاملني ولا الخدامة دي الخدامة احسن مني كمان
حنان.
تاني هنتكلم في الموضوع ده ياملك يابنتي ارضى وخليكي مع ستك دي هي بتحبك بس انتي عارفة طبعها هو كده
ملك
لا دي پتكرهني اوي ياماما وكل شويه ټشتم فيا وتهزقني انا تعبت ياماما
حنان
خلاص بقا ياحبيبتي يلا انا لازم اقفل دلوقتي يلا مع السلامه
وقفلت حنان
مع ملك ومنير قالها
منير
في ايه ياحنان بنتك مالها
حنان
الولية جدتها مورايها الويل يامنير ومشغلاها ولا الخدامة عندها انا عارفة ان العيشه مع الولية دي صعبه اذا كان انا مستحملتش أعيش معاها بعد ابنها ماراح
منير
ياساتر هي وليه صعبه اوي كده ربنا يهديها
حنان
يارب ياحبيبي هو حمايا مطلعش ليه ده انا عملت له الرز بلبن اللي طلبه
منير
متقلقيش زمانة طالع
ولقت الباب بيخبط وكان حماها وقالت
سماح
والله احنا لسه كنا في سيرتك ياحمايا انا عملتلك الرز بلبن اللي طلبتة مني
ناجي
ربنا يخليكي ليا يامرات ابني من ساعت ماجيتي عندنا وانا بقيت كل مايكون نفسي في حاجة تعمليها ليا علطول
حنان
انت تؤمر طبعا ياعمي اللي عايزة انا اعمله
ناجي
شوفت ياواد يامنير مش كان عندي حق لما قولتلك اتجوز اديك اتجوزت واحده طيبه وبنت حلال اهيه
منير
طبعا يابابا دي حنان دي مفيش أطيب منها في الدنيا
حنان
تسلم ياعمي انت ومنير والله انا لقيت نفسي في وسطكم هنا ربنا مايحرمني منكم يارب
وعند ملك جدتها قالت لها
الجده
انزلي ياموكوسه انتي هاتيلي حاجات من عند ام سماح جارتنا هي عايزاكي عشان تديها لك
ملك
حاجات ايه دي يا ستي
الجده
حاجات يابت شوية رز وسمنة وسكر هي قالت لي ابعتك عندها عشان تاخديهم
ملك
يلهوي ياستي هو احنا هنشحت من الجيران رز وسمنة وسكر ايه ده هو انتي مش لاقيه عشان تاخدي حاجات زي دي من الجيران
الجده
بنشحت ايه يابت هو عشان هناخد حاجات زي دي يبقا بنشحت وبعدين هو انا اللي قولتلها انا عايزة ده هي اللي قالت لي ابعتك تاخديهم
ملك
ماهي قالت لك تاخديهم ليه ما اكيد عشان مطلعاهم صدقه ولا زكا عن صحتها صح ولا لا
الجده
بقولك ايه يا بت انتي انتي هتسمعي الكلام وتنزلي ولا مش هتسمعي الكلام غوري كاتك القرف انتي واللي جابتك هو انا عارفه اكفي نفسيرا حبيبتي لما اكفيكي اكل وكمان
مش عجبك أن الجيران بيسعدونا غوري انزلي
وفي الوقت ده انا نزلت وقولت ليها
ملك
ازيك يا طنط ستي بعتاني عشان اخد منك حاجة هي فين
سماح
ادخلي ياملك ياحبيبتي ادخلي انتي مكسوفة ولا ايه
ملك
معلش انا عايزة امشي بسرعه عشان بس متاخرش على ستي
الجارة
طيب ياحبيبتي تعالي خودي الكيس ده اديه لستك قوليلها بتقولك طنط لو عايزة اي حاجة تانيه قولي
ملك
شكرا ياطنط ام سماح بس هي ستي اللي طلبت الحاجات دي منك
الجارة
ايوه دي كانت قالتلي من فترة وانا كنت نسيت ولما افتكرت اتصلت بيها قولت لها تبعتك تاخديها
ملك
ااه طيب ياطنط شكرا ليكي
الجارة
وخودي القرشين دول كمان اديهم لها
ملك
لا ياطنط احنا مش محتاجين فلوس الحمد لله ستي معاها
الجارة
لا خوديهم و ديهم لستك ملكيش دعوة
